Bir iş görüşməsi zamanı, əgər vəzifə üçün doğru bacarıqlara və təcrübəyə sahibsənsə, ümumiyyətlə görüşmən müsbət nəticələnir, lakin təcrübəli bir namizəd olmağın müsbət nəticə əldə etməyin üçün hər zaman kifayət etməyə bilər.

Müsahibələr namizədlərə işə uyğun olduqlarını izah etmə şansı verir. Bu kritik proses hər bir namizəd üçün eyni şəkildə irəliləməz və bəzi namizədlər daha çox önə çıxır. Müsahibəsi mənfi nəticələnən namizədlər üçün çoxsaylı mümkün nəticələr sıralana bilər. Bu gün biz ən çox qarşılaşılan 3 səbəbi nəzərdən keçirəcəyik.

1. Ünsiyyət bacarıqlarının olmaması

Hansı vəzifə , hansı sektorda olmasından asılı olmayaraq, bir namizəd üçün öncəli olaraq axtarılan xüsusiyyətlərdən biri "ünsiyyət bacarıqlarının" yaxşı olmasıdır. İşəgötürənlər, təsirli ünsiyyət qura bilən namizədləri üstün tuturlar, çünki bu bacarıq, iş mühitində əməkdaşlıq etmək və məlumatı paylaşmaq qabiliyyətini əks etdirir. Namizədin fikirlərini açıq və dəqiq şəkildə ifadə edə bilməməsi, suallara uyğun şəkildə cavab verə bilməməsi və ya təsirli bir şəkildə dinləmə bacarığına sahib olmaması, müsahibə prosesində mənfi bir təəssürat yarada bilər.

2. Təcrübələrin uyğun olmaması və ya yetərsiz olması

İkincisi, yetərsiz iş təcrübəsi və ya ixtisaslar namizədin müsahibəni keçməməsinə səbəb ola bilər. İş elanında qeyd olunan meyarlara uyğun olmayan bir namizəd, işəgötürəni inandırmaqda çətinlik çəkə bilər. İş təcrübəsi, işlə əlaqəli bacarıqlar və bilik səviyyəsi, işəgötürənin namizədə olan etimadını artırır. Əgər namizəd, işlə əlaqəli əsas bacarıqlara sahib deyilsə və ya əvvəlki təcrübəsi kifayət deyilsə, müsahibəni keçməmə riski artır.

3. Şirkət mədəniyyətinə uyğun olmama

İşə qəbul prosesindəki dəyərləndirmə meyarlarından biri də mövcud şirkət mədəniyyətinə uyğunluqla əlaqədardır. Buna görə də işəgötürənlər, yalnız işdəki texniki bacarıqlara fokuslanmaq yerinə, komanda daxilindəki uyğunluğu və mədəni uyğunluğu da nəzərə alırlar. Daxildəki mədəniyyətə uyğunlaşa biləcək namizədlər üstünlük təşkil edir.

Əlbəttə ki, bir namizədin müsahibəni keçməməsinin səbəbləri çox daha mürəkkəb ola bilər və adətən bir neçə faktoru əhatə edir. Ancaq ünsiyyət bacarıqları, iş təcrübəsi və uyğunluq, uğurlu bir müsahibənin əsasını təşkil edir və namizədlərin bu sahələrdə güclü olmaları vacibdir.

Ləman Nağıyeva

İnsan Resursları departamentinin direktoru

RESANT Consulting & Management

Bizi izləyin: